• USD 1,7369 +0,17% EUR 1,8625 -0,14%
    • GBP 2,1995 -0,47% RUB 0,0272 +0,37%

Filippinli, nigeriyalı qadınlar aldadılıb Azərbaycana gətirildi və...

Filippinli, nigeriyalı qadınlar aldadılıb Azərbaycana gətirildi və...

“Azərbaycanda insan alverinin qurbanına çevrilmiş 4 əcnəbi qadın sığınacaq evində yerləşdirilib”. Bunu virtualaz.org saytına açıqlamasında “Təmiz Dünya” Qadınlara Yardım İctimai Birliyinin rəhbəri Mehriban Zeynalova bildirib.

Hüquq müdafiəçisinin sözlərinə görə, əcnəbilərdən biri Filippin, biri Nigeriya, ikisi isə Özbəkstan vətəndaşıdır: “Aldadılaraq Azərbaycana gətirilən və insan alverinin qurbanına çevrilən bu şəxslər hüquq-mühafizə orqanları tərəfindən aşkarlanıb. Ümumiyyətlə isə hazırda sığınacaqda 15 nəfər saxlanılır. Onların əksəriyyəti də potensial insan alveri qurbanlarıdır”.

M.Zeynalova son günlər məişət zorakılığından əziyyət çəkən qadınlar tərəfindən onlara edilən müraciətlərin artdığını da qeyd etdi: “Sığınacağımızda yer olmadığından bu qadınları yerləşdirmək çətindir. Məişət zorakılığına görə sığınacaqda yerləşdirməyə ehtiyacı olan qadınların sayında artım var”.

Xəbər lenti

DAHA ÇOX XƏBƏR