Qırmızı.az
Benzinin qiyməti ilə bağlı rəsmi -AÇIQLAMA
"Ölkəyə idxal olunan benzin Tarif Şurasının tənzimlədiyi malların və xidmətlərin siyahısına daxil deyil".
Bunu İqtisadiyyat və Sənaye Nazirliyinin mətbuat katibi Abbas Əliyev deyib. O bildirib ki, Tarif Şurası yalnız ölkə daxilində istehsal olunan yanacağın qiymətlərini tənzimləyir:
“Hazırda Aİ-92 və Aİ-95 markalı avtomobil benzininin pərakəndə
satış qiyməti 1 litr üçün müvafiq olaraq 70 və 80 qəpikdir. Bu
yanacaqların qiymətində hər hansı dəyişiklik gözlənilmir".
Xatırladaq ki, ötən gün ölkədə “Premium Avro-95 markalı benzin
satışa çıxarılıb. Yeni növ benzinin 1 litr üçün qiyməti 93 qəpik
təşkil edib. Qeyd edək ki, Aİ-95 markalı avtomobil benzinin satış
qiyməti 80 qəpik idi.
Qeyd edək ki, Tarif Şurası aprelin ikisində də Azərbaycanda
benzinin qiymətinin artırılması məsələsinə rəsmi münasibət
bildirmişdi. Məlumatda deyilirdi ki, 2 dekabr 2013-cü il tarixindən
sonra ölkə daxilində qiymətləri tənzimlənən avtomobil benzininin
pərakəndə satış qiyməti dəyişdirilməyib.
Belə ki, hazırda Aİ-92 və Aİ-95 markalı avtomobil benzininin
pərakəndə satış qiyməti bir litr üçün müvafiq olaraq 70 və 80
qəpikdir.
Azərbaycan Respublikası Nazirlər Kabinetinin 31 mart 2014-cü il
tarixli qərarına əsasən, idxal olunan Avro-5 ekoloji normalarının
tələblərinə uyğun oktan ədədi 95 və daha yüksək olan avtomobil
benzinləri dövlət tərəfindən tənzimlənən malların (işlərin,
xidmətlərin) siyahısına aid edilməyib.
Bununla belə, yüksək avrostandartlara cavab verən avtomobil
benzininin daha aşağı qiymətlərlə ölkəyə idxalına şəraitin
yaradılması məqsədilə Azərbaycan Respublikası Nazirlər Kabinetinin
7 fevral 2014-cü il tarixli qərarları ilə idxal olunan 95 və 98
oktanlı avtomobil benzinləri üçün gömrük rüsumlarını 15 faizdən
sıfıra, aksiz dərəcələri isə bir ton üçün 250 ABŞ dollarından
müvafiq olaraq 100 və 150 ABŞ dollarına endirilib.
Bütün bunlar yüksək avro standartlara cavab verən avtomobil
benzininin (“Premium Avro-95” və “Super Avro-98”) nisbətən aşağı
qiymətlərlə ölkəyə idxalına və sərbəst qiymətlərlə satışına imkan
verir. Bu isə ölkədə avtomobil benzininə artan tələbatın tam
ödənilməsi və daxili bazarın yüksək ekoloji normalara cavab verən
yanacaq məhsulları ilə təminatına şərait yaradır.
Qeyd edək ki, ümumilikdə 95 və daha yüksək oktanlı avtomobil
benzinlərinin ölkədaxili istehlakda payı təqribən 10% təşkil edir
və bu yüksək oktanlı benzinlərdən istehsal və xidmət sahələrində
demək olar ki, istifadə olunmur.
-
Ekologiya02:00
Güclü maqnit qasırğası başladı - Nələr olacaq?
-
İdman01:10
Mbappe gedəcəyini elan etdi - Bu oyunda vida mərasimi olacaq
-
Qoroskop00:43
Günün qoroskopu: planlar pozulacaq - Bunları edin!
-
İdman10 May 23:46
Lalə Kramarenko: Azərbaycanın təklifini qəbul etmək xəyanət olar
-
Sosial10 May 23:34
Dünya rekordçusu olan laçınlı nənə Heydər Əliyevlə bağlı xatirələrini bölüşdü - VİDEO
-
Ekologiya10 May 23:10
Günəşdə 25 ilin ən güclü partlayışı baş verdi
-
Art10 May 22:21
Murad Muradov süni nəfəs aparatına qoşulub - YENİLƏNDİ
-
Elm və təhsil10 May 22:00
Abituriyentlərin NƏZƏRİNƏ: nəticələr elan olundu