Qırmızı.az

Bakının hansı rayonlarında bina tikintilərinə qadağa qoyulacaq?

15 May 2014 11:49

Bakının dörd rayonunda yaşayış binalarının tikintisi məhdudlaşdırılacaq.

Bakıda sıxlıq dərəcəsi çox böyükdür. Xüsusən də Nəsimi, Nərimanov, Nizami, Yasamal rayonlarında bu daha çox nəzərə çarpır.

Publika.Az xəbər verir ki, bu barədə "Böyük Bakının regional Inkişaf Planı"nın ictimai dinləmələrində Dövlət Şəhərsalma və Arxitektura Komitəsinin rəhbəri Abbas Ələsgərov bildirib.

O qeyd edib ki, buna görə də gələcəkdə mərkəzdə yaşayış binalarının tikintisini azaltmaq tövsiyyə olunur.

"Prezident Ilham Əliyevin tövsiyyəsi ilə şəhərin bu hissəsində yaşayış yerlərinin tikintisini məhdudlaşdırmaq, abadlaşdırma işlərini, xüsusilə də yaşıllaşdırmanı artırmaq və şəhərin zəruri infrastrukturunu inkişaf etdirmək nəzərdə tutulub.Bizim layihəmizdə bütün bunlar nəzərə alınıb və ümid edirəm ki, Bakı şəhərinin və rayonlarının İcra hakimiyyətləri şəhərin tikinti işlərinin davam etdirilməsi zamanı şəhərsalma reqlamentinə əməl edəcəklər",-deyə, o əlavə edib.

Gülşanə