Qırmızı.az
“Yanğın təhlükəsizliyi və bina örtükləri” seminarı keçiriləcək
Mayın 27-də Azərbaycan Fövqəladə Hallar Nazirliyi (FHN) Tikinti İşlərinin Təhlükəsizliyinə Nəzarət üzrə Dövlət Agentliyinin nəzdində fəaliyyət göstərən “Kingspan-İzopoli” şirkətinin təşkilatçılığı ilə Bakıda "Yanğın təhlükəsizliyi və bina örtükləri" adlı seminar keçiriləcək.
Teleqraf.com-un məlumatına görə, tədbirdə “Kingspan-İzopoli” şirkətinin nümayəndəsi Patrik Lenehan, İstanbul Texniki Universitetindən Mexaniki Mühəndislik Fakültəsinin elmlər doktoru Əbdürrəhman Kılıç və FHN-in yüksək vəzifəli nümayəndələri çıxış edəcəklər. Seminar yanğına qarşı tədbirlər barədə əhalinin məlumatlandırılması məqsədini daşıyır. Eyni zamanda, Azərbaycanda tikinti sənayesi üçün yanğına davamlı batareyaları ilə təchizatı istiqamətində FHN və “Kingspan-İzopoli” şirkətinin əməkdaşlığı barədə məlumat veriləcək. “Kingspan-İzopoli” şirkətinin sədrinin müavini və kommersiya direktoru doktor Suat Kıroğlu deyib:
"Seminarın keçirilməsində göstərdiyi dəstəyə görə Azərbaycan Fövqəladə Hallar Nazirliyinə təşəkkürümüzü bildiririk. Biz hökumət layihələri üçün Nazirliklə əməkdaşlıq edəcəyik və inanırıq ki, seminar tərəfdaşlarımıza və müştərilərimizə faydalı olacaq". “Kingspan-İzopoli” şirkəti 1983-cü ildə təsis edilib və Türkiyədə FM sertifikatına (Sertifikatlaşdırılma və Razılaşdırılma üzrə Qlobal Lider) malik olan yeganə şirkətdir. Şirkət Azərbaycanda artıq 15 ildir fəaliyyət göstərir və “Bakı Gəmiqayırma Zavodu”, Milli Gimnastika Arenası, “Bakı Ekspo Mərkəzi”, Yeni Bakı Beynəlxalq Dəniz Ticarət Limanı kompleksi, “Coca-Cola” və “PepsiCo” zavodlarının və digər obyektlərin layihələrini hazırlayıb. Müştərilərin coğrafi mövqeyindən asılı olmayaraq, şirkət təcrübəli mühəndis və arxitektor heyəti ilə hər bir layihə üçün kompleks həlləri və keyfiyyətli məhsul təklif edir. “Kingspan-İzopoli” şirkəti istehsalat və xammalın istifadəsi sahələrində ekoloji normalara 100% əməl edir. Şirkət istehsalat zamanı ozondağıdıcı maddələrdən istifadə etmir və şirkətin istehsal etdiyi məhsullar dünya üzrə enerjiyə qənaət məsələsinə öz töhfəsini verir.
-
Region12:07
Etirazçılar Paşinyanın yerinə kimi gətirir? - Baqrat açıqladı
-
Nida Xəbər 11:46
Baqrat impiçment başlatdı: Nikol gedir, yoxsa...
-
Ekologiya11:31
Bu ölkə böyük təhlükə ilə üz-üzədir: qarşısı alınmasa...
-
Nida Xəbər 11:00
Binəqədidə Ulu Öndərə həsr olunmuş tədbir keçirildi - FOTO
-
Region10:23
İrandan bu güzəştləri tələb edirlər, əks halda müharibəyə cəlb olunacaq - Rəisidən etiraf
-
Region09:36
Paşinyana qarşı üsyanda Köçəryan izi: Ayağında “problem” olan keşiş oteldə tapıldı - FOTO
-
Rəsmi xronika09:12
Prezidentdən Heydər Əliyevlə bağlı paylaşım
-
Magazin104:44
“Xəbəri eşidəndən ağlayıram” - Mehriban Xanlarova