Qırmızı.az

İcra Hakimiyyətindən zəlzələ açıqlaması

19 Sentyabr 2014 11:02

Bu gecə saatlarında rayonda baş vermiş zəlzələ zamanı evlərə və digər tikililərə ziyan dəyməyib. Bu barədə Publika.az-a Lənkəran rayon İcra Hakimiyyətindən məlumat verilib.

İcra Hakimiyyətindən verilən məlumatda bildirilir ki, zəlzələ hiss edilsə də, heç bir fəsad törətməyib:

“Bu gün səhər saatlarında bütün kəndlərlə əlaqə saxlamışıq. Zəlzələ kəndlərdə də heç bir fəsad törətməyib, dağıntı yoxdur”.

Qeyd edək ki, bu gün Lənkəranda yerli vaxtla saat 03:29 radələrində 4 bala yaxın zəlzələ olub. Respublika Seysmoloji Xidmət Mərkəzinin yaydığı məlumata görə, 17 kilometr dərinlikdə maqnitudası 4,5 olan yeraltı təkanlar Lənkəran şəhərindən 18 km qərbdə Lənkəran rayonu ərazisində qeydə alınıb.

Gülxar