Qırmızı.az
Bakı Ali Neft Məktəbində beynəlxalq seminar keçirilir
Bu gün Bakı Ali Neft Məktəbində “Yataqların işlənməsinin və dənizdə və quruda karbohidrogenlərin hasilatının müasir texnologiyaları” mövzusunda beynəlxalq seminar öz işinə başlayıb.
BANM-dən Publika.az-a verilən məlumata görə, seminar “Əsrin müqaviləsi”nin imzalanmasının 20-ci ildönümünə həsr olunmuş tədbirlər çərçivəsində keçirilir.
Bakı Ali Neft Məktəbinin rektoru Elmar Qasımov seminarı açaraq tədbirin ümummilli lider Heydər Əliyevin irəli sürdüyü və Azərbaycan Respublikasının Prezidenti İlham Əliyevin uğurla həyata keçirdiyi, müstəqil Azərbaycanın indiki inkişafını təmin etmiş “Əsrin müqaviləsi”nin 20-ci ildönümünə həsr olunduğunu qeyd edib.
O bildirib ki, seminar Azərbaycan Respublikası Dövlət Neft Şirkətinin dəstəyi ilə Böyük Britaniyanın “ConfidenceCapitalltd” şirkəti ilə birlikdə keçirilir və məqsəd Azərbaycanın neft-qaz yataqlarının işlənməsində, o cümlədən quruda və dənizdə karbohidrogenlərin hasilatı sahəsində əldə etdiyi təcrübənin xarici ölkələrin mütəxəssisləri arasında yayılmasıdır.
Seminarın məşğələlərini neft-qaz mühəndisliyi kafedrasının müdiri, professor Arif Məmmədzadə və Böyük Britaniyadan dəvət olunmuş mütəxəssis Hernan De Kaso aparacaq. Dinləyiciləri Azərbaycanın, Rusiyanın və Ukraynanın neft-qaz sektorunun mütəxəssisləridir.
Oktyabrın 8-9-da seminarın iştirakçıları üçün neft-qaz yataqlarının ümumi xarakteristikaları, yataqların işlənməsinin tənzimlənməsi, neftveriminin artırılması üsulları, neft-qaz hasilatı texnologiyaları və s. məsələlər üzrə məruzələr təqdim olunacaq.
Oktyabrın 10-11-də seminarın iştirakçıları üçün “Neft Daşları”na texniki səfər təşkil olunacaq və seminar 2 gün ərzində orada öz işini davam etdirəcək.
Gülnar Əliyeva
-
Magazin101:30
Azərbaycan “Avroviziya-2024”ün finalına keçə bilmədi
-
Magazin100:30
Fahree və İlkinin “Avroviziya”dakı çıxışı - VİDEO
-
Qoroskop00:15
Günün ULDUZ FALI: axşam saatlarında travma təhlükəsi var
-
İdman00:00
"Bayern"in baş məşqçi postuna yeni namizəd BƏLLİ OLDU - FOTO
-
Kriminal7 May 23:48
Bakıda kişi sevgilisinə “mənim olmalısan” deyib QANINI TÖKDÜ
-
İKT7 May 23:24
İki qurum əhaliyə XƏBƏRDARLIQ ETDİ - FOTO
-
Magazin17 May 23:07
“Avroviziya-2024”ün birinci yarımfinalı başladı - CANLI
-
Cənubi Qafqaz7 May 22:52
Ermənistanda əsgər GÜLLƏLƏNDİ