• USD 1,7339 +0,12% EUR 1,8516 +0,84%
    • GBP 2,1859 +0,79% RUB 0,0272 +0,74%

BANM Hyuston Universiteti ilə əməkdaşlıq edəcək - FOTOLAR

BANM Hyuston Universiteti ilə əməkdaşlıq edəcək - FOTOLAR

Bakı Ali Neft Məktəbi (BANM) və ABŞ-ın Hyuston Universiteti arasında birgə magistr hazırlığı ilə bağlı Razılaşma Protokolu imzalanıb.

Bu barədə Publika.az-a ali məktəbin mətbuat xidmətindən məlumat verilib.

Məlumata görə, BANM-ın rektoru Elmar Qasımov Azərbaycanda səfərdə olan ABŞ-ın Hyuston Universitetinin rektoru Renu Xatur və rəhbərlik etdiyi nümayəndə heyəti ilə gələcək qarşılıqlı əməkdaşlıq perspektivləri müzakirə edərək universitetlər arasında neft-qaz mühəndisliyi, kimya mühəndsiliyi ixtisasları üzrə qarşılıqlı əməkdaşlığın qurulmasında və bu əməkdaşlıq çərçivəsində tələbə və mütəxəssislərin mübadiləsi, tədris proqramlarının hazırlanması və tətbiqi, birgə tədqiqatların aparılması və digər məsələlər üzrə fəaliyyət göstərilməsində maraqlı olduğunu bildirib.

Sonra Renu Xatur BANM-in professor-müəllim heyəti və tələbələri ilə görüş kecirib. Qonağa Bakı Ali Neft Məktəbinin “Fəxri Qonaq” diplomu təqdim edilib.

Xatırladaq ki, Hyuston Universitetində Xocalı soyqırımı, eləcə də Azərbaycanın tarixi və mədəniyyəti ilə bağlı bir sıra tədbirlər hər il ənənəvi olaraq keçirilir.

Xəbər lenti

DAHA ÇOX XƏBƏR