• USD 1,7369 +0,17% EUR 1,8625 -0,14%
    • GBP 2,1995 -0,47% RUB 0,0272 +0,37%

Uşaqlar arasında zərərli vərdişlərə səbəb olan risk faktorları araşdırılıb

Uşaqlar arasında zərərli vərdişlərə səbəb olan risk faktorları araşdırılıb

Səhiyyə Nazirliyinin İctimai Səhiyyə və İslahatlar Mərkəzi (İSİM) tərəfindən Bakıda uşaqların icbari dispanserizasiyası ilə bağlı 6-10-cu sinif şagirdləri, valideynlər və pediatrlar arasında sorğu həyata keçirilib.

ISIM-dən Publika.az-a verilən məlumata görə,ötən ilin noyabr-dekabr aylarını əhatə edən sorğu anonim şəkildə aparılıb və respondentlərin konfidensiallığı tam qorunub. Sorğu vasitəsilə uşaqlar arasında icbari dispanserizasiyanın keçirilməsinə dair Dövlət Proqramı barədə əhalinin məlumatlılıq səviyyəsi, habelə dispanserizasiyanın aparılmasına mane olan amillər də öyrənilib.

Tədqiqat “Uşaqların icbari dispanserizasiyadan keçirilməsinə dair Dövlət Proqramı”nın icrası ilə bağlı Azərbaycan Respublikasının Səhiyyə Nazirliyinin Tədbirlər Planı”nın müvafiq bəndinə əsasən aparılıb. Tədqiqatın məqsədi dispanserizasiya çərçivəsində Bakı şəhərinin nümunəsində ölkədə orta və yuxarı məktəb yaşlı uşaqlara göstərilən tibbi xidmətin keyfiyyətinin monitorinqi, həyata keçirilən dispanserizasiya prosesinin ümumi qiymətləndirilməsidir.

Tədqiqat vasitəsilə uşaqların sağlamlıq vəziyyəti, fiziki aktivlik səviyyəsi, qida və nutriyentlərin qəbuluna dair vərdişləri, reproduktiv sağlamlıq məsələlərinə dair məlumatlılığı və biliyi də qiymətləndirilib. Bununla yanaşı, araşdırma ilə məktəb yaşlı uşaq və yeniyetmələr arasında zərərli vərdişlərin yayılması dərəcəsini, zərərli vərdişlərə səbəb olan risk faktorlarını müəyyən etmək mümkün olub.

Sorğu Bakı şəhər Təhsil İdarəsi ilə əməkdaşlıq çərçivəsində Bakının 11 rayonu üzrə 50 tam orta məktəbdə təhsil alan 11-18 yaşlı uşaqları əhatə edib. Sorğuda cəmi 1446 şəxs iştirak edib. Onların 996 nəfəri uşaq, 400 nəfəri valideyn və 50 nəfəri pediatr olub.

Sorğunun nəticələri ilə bağlı tədbirdə çıxış edən İSİM-in direktoru Ceyhun Məmmədov sorğunun xüsusi əhəmiyyət daşıdığını vurğulayıb: “2014-cü il üzrə uşaqların dispanserizasiyası, sağlamlıq vəziyyəti, qidalanması və fiziki aktivliyinə dair sorğu ölkədə ilk dəfə keçirilib. Sorğunun mahiyyətini uşaq və yeniyetmələrin, habelə onlarla işləyən böyüklərin davranışı, müxtəlif məsələlərə və vərdişlərə yanaşmasının öyrənilməsi təşkil edib”.

Gülxar

Xəbər lenti

DAHA ÇOX XƏBƏR