Sosial
Yardımlının dağ kəndində çətin vəziyyətdə yaşayan AİLƏYƏ BÖYÜK DİQQƏT - FOTO
Yardımlı rayonu Allar kəndində Ramin Tahirovun ailəsi çətin vəziyyətdə yaşayır. Ramin Tahirov xəstədir, işləmək qabiliyyəti yoxdur. Ailənin 7, 3 və 1 yaşlı uşağı var, yeganə gəlir yerləri isə R.Tahirovun anası Nisə Bayramovanın əmək pensiyasıdır. Onların yaşadığı ev isə tam yararsız haldadır. Ailənin böyük övladı artıq bu səbəbdən xəstəlik tapıb.
Məsələ ilə bağlı Yardımlının millət vəkili, professor Musa Qasımlı ilə əlaqə saxladıq. Millət vəkili ona ailənin vəziyyəti ilə bağlı hansısa müraciətin ünvanlamadığını bildirdi: "Mənə belə müraciətlər olur və əlimdən gələn hər bir köməkliyi göstərməyə çalışıram".
Kəndin bələdiyyə sədri Almirzə Şahverənov Publika.az-a açıqlamasında artıq ailə ilə bağlı rayon icra hakimiyyətinə məlumat verdiklərini bildirdi:
“Ramin Tahirov xəstə olduğundan işləyə bilmir, yoldaşı da işsizdir. Uçuq bir daxmada qalırlar, yağan yağış, qar hamısı evlərinin içinə dolurdu. Həyat şəraiti pis olduğundan qızının böyrəkləri xəstədir. Məsələni qaldırmışıq, onun müalicəsi üçün Rayon Mərkəzi Xəstəxanasından dəstək olacaqlarına söz veriblər. Oğlunun isə dilində qüsur var. Həmin problem əməliyyatla aradan qaldırıla bilər. Bunun üçün da müraciət etmişik”.
A.Şahverənov onu da vurğuladı ki, İcra Hakimiyyətindən ailənin çətinliyini aradan qaldırmaq üçün dəstək olurlar: “Bakı şəhərində yaşayan bir imkanlı şəxs və İcra Hakimiyyəti ailəyə yeni ev tikilməsi üçün xərcləri çəkəcək. Artıq tikinti işlərinə başlanılıb, ailə müvəqqəti olaraq qonşuda qalır. Həmçinin ailənin sosial təminatı üçün də Əmək və Əhalinin Sosial Müdafiəsi Nazirliyinin yerli şöbələrinə müraciət edilib. Onlar da bu istiqamətdə iş aparırlar. Bir sözlə, ailənin problemi qısa müddətdə aradan qaldırılacaq”.
Gülxar
-
Sağlamlıq07:08
Səhər oyanan kimi 5 ədəd qoz yesəniz, görün nələr olacaq...
-
Qoroskop00:34
Günün qoroskopu: axşam saatlarında pul gələcək...
-
İnanc00:01
Bu gün İlaxır çərşənbədir
-
Region18 Mart 22:55
Ərdoğan Putini təbrik etdi
-
MDB18 Mart 22:15
“Rusiya nüvə tərksilahına dair danışıqlara hazırdır” - Peskov
-
Magazin118 Mart 21:50
Renka qəza keçirdi - FOTO
-
Ekologiya18 Mart 20:15
Torpaq çərşənbəsində və Novruz bayramında hava belə olacaq - VİDEO
-
Nida Xəbər 18 Mart 19:30
Ordumuz bu ərazilərdə mövqelərini möhkəmləndirir - Zakir Həsənov