• USD 1,7339 0,00% EUR 1,8297 -1,20%
    • GBP 2,2001 +0,65% RUB 0,0270 -0,74%

Aygün: "Arxadan vurulan zərbələr çox olub"

Aygün: "Arxadan vurulan zərbələr çox olub"

Çoxdan efirlərdə görünməyən Xalq artisti Aygün Bayramova ANS-in efirində öz həyatından danışıb.

Publika.az-ın məlumatına görə, sənətçi Bakıya gəlib sənət aləminə qatılmasına görə, xalq artisti Arif Babayevə borclu olduğunu bildirib: “Uşaq vaxtı səsim vardı, müsabiqəyə qatıldım. Bakıya oxumağa çağırdılar, amma getmək istəmirdim. Bir gün Arif Babayev bizə gəldi. Onda da Arif Babayevlə qonşuyduq, özü də çəpər-çəpərə qonşuyduq. Atama dedi ki, a kişi bu qızın gözəl səsi var, niyə qoymursunuz Bakıya oxumağa getsin. Sözün düzü, mən özüm atamdan-anamdan, bacı-qardaşlarımdan ayrılmaq istəmirdim. Elə orda Arif müəllimə söz verdim və sözümü də tutdum”.

Xalq artisti söhbət əsnasında sənət aləmindəki qısqanclıqdardan da söz açıb: “Qısqanclıqdan, loru dillə desəm, gözügötürməzlikdən çox şeylər olur, məsələn, kimsə səni hansısa məclisdə, tədbirdə görmək istəmir. Demirəm arxadan vurulan zərbələr çox olub, amma olub. Sənət aləmində var belə şeylər və bugün də davam edir”.

Cəvahir Səlimqızı

Xəbər lenti

DAHA ÇOX XƏBƏR