İsti havalarda orqanizmi sərinlədən qidalar

Qızmar yay günlərində hamımızın təbii sərinləşdirici qidalara ehtiyacı var. Bu qidalar sayəsində sərinləyə, həm də itirdiyimiz vitamin və mineralları geri qazana bilərik.

Qarpız. Yay qarpız mövsümünün ən sevilən giləmeyvəsidir. Tərkibi A, C vitaminləri və antioksidantlarla zəngindir. Qarpız bədən hərarətini aşağı salır, dolayısı ilə bədənə sərinlik gətirir.

​Kahı. 95 faizi sudan ibarətdir. Orqanizmin itirdiyi mayeni geri qaytarır. Su içməyə sıxılıdığınız anlarda kahı yeyə bilərsiniz.

Nanə. Təzə nanə sərinlik bəxş edir. Salatlara ya da içkilərə nanə yarpağı əlavə etməyi yaddan çıxartmayın.

Acı bibər. Qəribə görünsə də, təəccüblənməyin. Ədviyyatlar soyuma mexanizmini aktivləşdirib tərləyərək sərinləməyə kömək edir.

Meyvəli kokteylər. Spirtli içkilər sərinləşdirici effekt versə də, bədəni susuz saxladığı üçün uzun müddət təsir göstərə bilmir. Meyvə kokteylləri ilə daha yaxşı sərinləyə bilərsiniz.

Limonlu su. Limonlu suyu heç nə əvəz edə bilməz. Həm sərinlədir, həm də orqanizmin maye ehtiyacı ödəyib dərini nəmləndirir.