Tabloid.az
Qadınlar üçün nəzərdə tutulan 7 otel
Bəzən rəfiqələrinlə yığışıb əks cinsin nümayəndələrindən uzaqda dincəlmək, söhbət etmək və əsl istirahətdən həzz almaq istəyirsən.
Tabloid.az xəbər verir ki, buro 24/7 Azerbaycan redaksiyası özünü "Böyük şəhərdə seks" filminin qəhrəmanları kimi hiss etmək istəyənlər üçün dünyanın ən yaxşı 7 otelini araşdırıb.
"Artemisia Berlin Frauenhotel",
Almaniya
İncəsənəti sevən qadınların bu otelə mütləq baş çəkmələrini tövsiyə
edirik. Otel rəssam, Florensiya Akademiyasında çalışan yeganə
akademik qadın Artemiziya Centileskinin adını daşıyır. Bütün
otaqlar sakit tonlarda dizayn edildiyindən bir anlıq özünü
səs-küylü şəhər mühitində deyil, kənddə, göl qırağında hiss
edirsən. Otelin terrasından şəhərə mənzərəli görüntü açılır.
Alış-veriş həvəskarlarını sevindirəcək əsas xəbər isə ondan
ibarətdir ki, otel əsas şopinq mərkəzi və restoranların
yaxınlığında yerləşir.
"Luthan Hotel & Spa", Səudiyyə
Ərəbistanı
Paytaxt şəhəri Ər-Riyad öz qayda-qanunları ilə bütün dünyada
məşhurdur. Bəlkə də məhz bu səbəbdən tənha qadınlar burada özünü
tamamilə rahat hiss edə bilir. "Luthan Hotel & Spa" Yaxın
Şərqdə qadınlar üçün nəzərdə tutulmuş ilk oteldir. İdeya şahzadə
Madavi Bint Muhammedə aiddir. Otelin adı tərcümədə "rahatlıq
axtaran" mənasını verir. Zərif cinsin nümayəndələri burada özlərini
rahat, emosional cəhətdən sakit və müdafiə olunmuş hiss edəcəklər.
Şəhəri gəzmək istədikdə, "Luthan Hotel & Spa"-nın maşınlarından
istifadə etmək olar. Bundan əlavə, tam rahatlanmaq və stress atmaq
üçün otelin dünyaca məşhur spası mövcuddur.
"La Pura Women's Health Resort Kamptal",
Avstriya
"La Pura Women's Health Resort Kamptal" özündə 3 elementi
birləşdirir - hərəkət, gözəllik və düzgün qidalanma. Məşhur Kamptal
vadisi müalicəvi xüsusiyyətləri ilə tanınır. Vadi boyu gəzintiyə
çıxmaq və parklarda gəzişmək olar. Oteldə incəsənətdən də həzz
almaq mümkündür: vernisaj, teatr və müxtəlif mərasimlər insanı bir
an da darıxmağa qoymur. İdman pərəstişkarları burada qolf, yoqa,
fitnesdən də həzz ala biləcəklər.
"ITC Maurya Sheraton", Hindistan
Ürəyin musiqi istəyirsə, bu otelə yollan. "ITC Maurya Sheraton"
Hindistanda qadınlar üçün xüsusi mərtəbənin yaradıldığı ilk
oteldir. Elə adı da roluna uyğundur - "Eva". Burada həm
xidmətçilər, həm də menecment nümayəndələri qadınlardır. Otel
qadınsayağı - zərif gül printi ilə bəzədilib. Mini-barda qadınlar
üçün xüsusi içkilər də mövcuddur. Qadınların rahatlığı və
təhlükəsizliyini təmin etmək üçün oteldə xüsusi mühafizə sistemi
fəaliyyət göstərir. Bundan əlavə, hər otaqda videofon
yerləşdirilib. Beləliklə də qadınlar qonaq qəbul etməzdən əvvəl
kimin gəldiyinə baxa bilər. Otelə körpəsi ilə gələn qadınlara dayə
xidməti də təklif olunur.
"Lady's First Hotel", İsveçrə
Sürixdə bir neçə qadın birləşərək ilk qadın oteli açmaq qərarına
gəlir. Bu otel XIX əsrin gözəl tikililərindən birində yerləşir.
Böyük Avropa şəhərinə hakim olan qarışıqlıq içində əsl sükut və
rahatlıq yaratmaq üçün məşhur qadın dizaynerlər işə cəlb olundu.
Burada qadın qonaqların özünü rahat və gözəl hiss etməsi üçün hər
şərait mövcuddur. Spa mərkəzlər, yüngül qəlyanaltı, güllü bağ,
massaj və gözəllik prosedurları qadınların ürəyincə olacaq. Otel
səliqəli ab-havası, gözəl görünüşü ilə diqqət çəkir.
"B&B" oteli, İtaliya
"Bed & Breakfast" adlı kiçik otelin bir filialı da
Florensiyadadır. Şəhərin mərkəzində yerləşdiyindən görməli yerlərə,
vağzala və aeroporta çox yaxındır. Otelin pəncərəsindən bağa gözəl
mənzərə açılır. Çox pul xərcləmək istəməyən, amma rahatlığı sevən
qadınların bu oteli bəyənəcəyinə əminik. Qiymətlərin münasib olması
da turistlərin sayını artırır. Burada sözün həqiqi mənasında pulu
ancaq "yataq" və "səhər yeməyi"nə görə ödəyirsən.
"Grange City Hotel", Böyük
Britaniya
68 otağını xüsusilə qadınlara həsr etmiş bu oteldə rahatlıq üçün
hər şərait mövcuddur: şkafların əlavə işıqlandırılması, hamam
otağında rahat makiyaj güzgüsü, uzun şnurlu, çox güclü saç qurutma
maşını və s. Xidmət sahəsində işləyənlərin hamısı qadın olduğundan
səhər yeməyinə gecə geyimində də düşmək olar. Tower Hill metrosu
oteldən iki dəqiqəlik məsafədə yerləşir. Bütün bunlar qadınların
özünü tam rahat hiss etməsinə şərait yaradır.
-
Dünya14:01
Sensasion iddia: Asiyada müharibə bu paslı gəmiyə görə başlayacaq - FOTO
-
Nida Xəbər 13:32
İlham Əliyev Almaniyada mühüm tədbirdə çıxış etdi - Yeniləndi
-
Nida Təhlil 13:10
Türkiyə hərbçiləri Qarabağa niyə gətirilmişdi? - Əliyevin strateji planı
-
Sosial12:58
Sabah 32 dərəcə isti olacaq
-
Nida Xəbər 12:16
XİN Avropa Parlamentinə cavab verdi
-
Nida Xəbər 10:29
Qriqoryan İrana hesabat verdi: Delimitasiya ilə bağlı
-
Nida Təhlil 09:26
Füzulidən Berlinə uçuş: Əliyevin təyyarəsi niyə Qarabağdan qalxdı?
-
Sosial08:42
Azərbaycanda general vəfat etdi