Ekopublika.az

"Forbes" ən yenilikçi şirkətləri açıqlayıb

25 Avqust 2016 02:31

ABŞ-ın nüfuzlu "Forbes" jurnalı bütün dünya üzrə ən müasir şirkətlərin reytinq cədvəlini tərtib edib. "Report" Rusiya mətbuatına istinadən xəbər verir ki, siyahıda 1-ci yeri avtomobil istehsalçısı "Tesla Motors" şirkəti tutub.

Növbəti yerlərdə informasiya texnologiyaları sahəsində fəaliyyət göstərən "Salesforce" şirkəti, 3 əzcaçılıq şirkəti "Regeneron Pharmaceuticals", "Incyte" və "Alexion Pharmaceuticals" qərarlaşıb. Bunlar hamısı ABŞ şirkətləridir.

İlk 10-luğa həmçinin ABŞ-ın idman paltarları istehsalçısı "Under Armour" şirkəti, sərinləşdirici içkilər istehsalçısı "Monster Beverage" şirkəti, İndoneziyanın qida məhsulları istehsalçısı "Unilever" şirkəti və yenə də ABŞ-ın əzcaçılıq "Vertex Pharmaceuticals" və "BioMarin Pharmaceutical" şirkətləri daxildir.