ABŞ

Tramp fövqəladə vəziyyət rejimi tətbiq etdi

29 İyul 2018 00:30

ABŞ prezidenti Donald Tramp meşə yanğınları ilə əlaqədar Kaliforniya ştatında fövqəladə vəziyyət rejimi elan edib.

Publika.az xəbər verir ki, bu haqda Ağ Evin xəbərində deyilir.

Məlumata görə, Şasta dairəsində yanğınlar 500 evi məhv edib və 75 obyektə zərər vurub. Hazırda yanğın sahəsi 19,5 min hektarı ötür. Yanğın sahəsinin yalnız 5 faizi lokallaşdırılıb.

CBS telekanalının məlumatına görə, 38 min sakin evlərindən təxliyyə edilib. Yanğın nəticəsində 2 nəfər ölüb, 9-u itkin hesab edilir.

ABŞ-ın Milli idalərarası yanğın Mərkəzinin (NIFC) məlumatına görə, ölkənin 13 ştatında 89 meşə yanğını qeydə alıb. Yanğın sahələrinin əksəriyyəti ölkənin şimal-qərbində və Alyaska ştatındadır.

Ömər