Melaniya Trampın gizli səs qeydləri yayıldı

ABŞ-ın birinci xanımı Melaniya Trampın gizli səs qeydləri yayımlanıb.

Publika.az xəbər verir ki, “CNN International” xanım Trampın Meksikadan ölkəyə qanunsuz daxil olan miqrantların uşaqları ilə Yeni il hazırlığı mövzusunda gizli qeydə alınmış söhbətini dərc edib.

Xəbərdə bildirilib ki, material M.Trampın 2018-ci ildə müşavirliyini edən Stefaniya Uinston Uolkoffa aiddir.

Qeyddə birinci xanım Trampın Meksika sərhədini qanunsuz yollarla keçən ailələri uşaqlarından ayırmaq siyasəti və Yeni il hazırlıqları kimi ənənəvi ABŞ prezidentini həyat yoldaşı vəzifəsini yerinə yetirməsi nöqtəsində ona istiqamətləndirilən tənqidlərdən dolayı üzgün olduğunu dilə gətirir: “Cinayət ortağı olduğumu söyləyirlər. Onunla eyniyəm, onu dəstəkləyirəm. Mən olduğum yerdə kifayət qədər edə bilmirəm, kifayət qədər danışa bilmirəm”.

Yeni il hazırlıqları mövzusunda isə bunları deyib: “Yeni il məsələlərinə bir az zaman ayırıram. Yeni il bəzəkləri və dekorasiyaları kimə maraqlıdır? Amma mənim bunu etməyim lazımdır, elə deyil? Yeni il üçün çalışdığımı və plan qurduğumu deyirəm. Bəs ailələrindən ayrılan uşaqlar necə olacaq?”.

O, ailələrindən ayrı salınan uşaqları yenidən valideyninə qovuşdurmağa çalışdığını, lakin prosesin qanuni yollarla irəliləməsinin vacibliyini vurğulayıb: “Uşaqlar “Aman Allah, öz yatağımmı olacaq? Yataqdamı yatacam? Geyimlərim üçün dolablar da olacaq?” deyir. Bunu eşitmək çox üzücüdür. Amma öz ölkələrində bunlara sahib deyildilər. Yerdə yatırdılar. Onlara yaxşı qulluq edilir. Amma valideynləri ilə birlikdə deyillər”.

Zümrüd