ABŞ

Son 5 ildə İLK: ABŞ və Cənubi Koreya...

28 Sentyabr 2022 10:11

Cənubi Koreya və ABŞ hərbçiləri Yapon dənizində son 5 ilin ilk birgə hərbi dəniz təlimlərinə başlayıb.

Publika.az xəbər verir ki, Şimali Koreyanın növbəti ballistik raket sınağından bir gün sonra başlayan təlimlərə hər iki tərəfdən xeyli sayda canlı qüvvə, 20 hərbi gəmi, o cümlədən ABŞ-ın nüvə başlıqlı raketlərə malik “Ronald Reyqan” təyyarədaşıyan gəmisi və “USS Annapolis” sualtı qayığı, müxtəlif növ hərbi təyyarə və helikopterlər cəlb olunub.

Məlumata görə, Cənubi Koreya-ABŞ ittifaqının güclü iradəsini nümayiş etdirən və birgə əməliyyatlar üçün imkanları dəqiqləşdirmək məqsədi daşıyan təlimlər 4 gün davam edəcək.

Bildirilir ki, təlimlər Şimali Koreyanın nüvə silahı və sualtı qurğudan ballistik raket buraxılışı sınağı kimi təxribatçı addımlara qarşı praktiki addımdır. Eyni zamanda, Pxenyana qarşı "əzələ nümayişi"dir.

Tural Turan