ABŞ

ABŞ hakimiyyəti senzuraya görə "Tvitter"ə milyonlar ödəyib - ŞOK İDDİA

21 Dekabr 2022 17:21

"Tvitter"in yeni sahibi, “Tesla” şirkətinin qurucusu İlon Mask bildirib ki, ABŞ hökuməti informasiya senzurasına görə sosial şəbəkəyə milyonlarla dollar ödəyib.

Publika.az xəbər verir ki, "Tvitter" son həftələrdə daxili sənədləri dərc edir, bu da göstərir ki, 2020-ci il prezident seçkiləri ərəfəsində o vaxtkı sahiblər hökumət rəsmiləri ilə əməkdaşlıq edərək, Baydenin oğlu Hanter Baydenin itirdiyi noutbukun qalmaqallı məzmunu ilə bağlı məlumatların yayılmasını məhdudlaşdırıblar.

“Hökumət məlumatları ictimaiyyətdən gizlətmək üçün "Tvitter"ə milyonlarla dollar ödəyib” – Mask tvitində yazıb.

Hanter Baydenin təmir sexində unutduğu noutbuk onun təzadlı həyat tərzinə və xarici biznes əlaqələrinə kifayət qədər sübut olub. Seçkilər öncəsi Demokrat Partiyası, partiyaya yaxın media orqanları və sosial şəbəkə hesabları bu xəbəri susdurmağa və “Rusiya dezinformasiyası” kimi təqdim etməyə çalışıblar.

Akqabay

Teqlər İlon Mask