ABŞ

Yəmənin paytaxtında SİLSİLƏ PARTLAYIŞ: ABŞ yenə İranın "QANADINI" QIRDI

22 Dekabr 2024 04:14

Yəmənin paytaxtı Sənada güclü partlayış baş verib.

Publika.az xəbər verir ki, bu barədə “Al Mayadeen” məlumat yayıb.

Qeyd edilib ki, partlayışlar hərbi təyyarələrin uçması fonunda baş verib.

Son məlumata görə, ABŞ Mərkəzi Komandanlığı (CENTCOM) Yəmənin şimalında İranın dəstəklədiyi "Ənsar Allah" (husi) hərəkatının 15 hədəfinə zərbələr endirib.

Zərbələr yerli vaxtla saat 17:00 radələrində husilərin nəzarətində olan ərazilərdə baş verib və onların hücum hərbi imkanlarına təsir edib.

Yəmənin Qırmızı dəniz sahillərinin böyük hissəsinə nəzarət edən husilər daha əvvəl Fələstinə dəstək ifadə etmiş və İsraillə əlaqəli gəmilərə hücum edəcəkləri ilə hədələmişdilər.

Onlar digər ölkələri ekipajlarını geri çağırmağa və gəmilərindən uzaq durmağa çağırıblar. Eyni zamanda husilər bölgədə sərbəst naviqasiyaya mane olmadıqlarını və digər dövlətlərin gəmilərinə toxunmadıqlarını bildiriblər.

Hüseyn İbadlı