Zelenskinin Rusiyaya qarşı planı üzə çıxdı - VİDEO

ABŞ polkovniki Makqreqor Kiyevin xüsusi hərbi əməliyyatdan əvvəl Rusiya ilə silahlı münaqişə planlaşdırdığını bildirib.

Publika.az lenta.ru-ya istinadən xəbər verir ki, Pentaqonun keçmiş müşaviri, polkovnik Duqlas Makqreqor ABŞ-ın Ukrayna prezidenti Vladimir Zelenskinin Rusiya ilə birbaşa toqquşmaya başlayacağını gözlədiyini deyib.

O, bu barədə "Judging Freedom" YouTube kanalına müsahibəsində danışıb.

Onun sözlərinə görə, toqquşmanın başlanğıcı Ukrayna qoşunlarının 2014-cü ildən bəri atəşə tutduğu DXR və LXR-ə qarşı hücumu olacaqdı.

"Ukraynanın Silahlı Qüvvələri xüsusi olaraq bu məqsədlə gücləndirilib. Biz güman edirdik ki, Ukrayna təşəbbüsü öz əlinə alacaq və qondarma DXR və LXR respublikalarına hücum edəcək, lakin bu, baş vermədi. Putin buna mane oldu", - polkovnik qeyd edib.

Hərbçilərin sözlərinə görə, xüsusi əməliyyatın başlaması Vaşinqton üçün sürpriz olmayıb, çünki Ağ Ev uzun müddətdir Ukraynada münaqişə planlaşdırırdı. O, Ukrayna Silahlı Qüvvələrinin bu məqsədlə fəal şəkildə təlim keçdiyini də xatırladıb.