ABŞ-dan "TikTok" AÇIQLAMASI: "Ən böyük qorxularımdan biridir"
Bizi izləyin

ABŞ

ABŞ-dan "TikTok" AÇIQLAMASI: "Ən böyük qorxularımdan biridir"

Əminəm ki, ABŞ prezident administrasiyası Çinin "ByteDance" şirkətinə məxsus "TikTok" sosial şəbəkəsinin ölkədə istifadəsini qadağan edən qanun layihəsini dəstəkləyir.

Publika.az xəbər verir ki, bunu ABŞ Senatının Kəşfiyyat Komitəsinin sədri Mark Uorner "CBS News"a müsahibəsində deyib.

Uorner deyub ki, bu sosial şəbəkə amerikalı istifadəçilərin şəxsi məlumatları üçün təhlükə yaradır:

"Sosial şəbəkə Pekindən informasiya təsirinin bir yolu ola bilər. Bu, ən böyük qorxularımdan biridir. "TikTok" sosial şəbəkəsi Kommunist Partiyasının (Çin) təbliğ etdiyi təbliğat və ya dezinformasiya üçün istifadə oluna bilər".

Qeyd edək ki, "TikTok" rəhbəri Çjou Şouzi cümə axşamı ABŞ Konqresində keçirilən dinləmələrdə bildirib ki, sosial şəbəkə Çin hökuməti tərəfindən idarə olunmur və vətəndaşların şəxsi məlumatları ABŞ-da nəzarət altında saxlanılır.

Ağ Evin strateji kommunikasiyalar üzrə koordinatoru Con Kirbi isə deyib ki, Şouzinin çıxışı ABŞ hakimiyyətinin milli təhlükəsizliyə təhdid kimi bu sosial şəbəkəyə münasibətini dəyişməyib.

Hüseyn İbadlı

Oxumağa davam et
Reklam
Reklam

Gündəm