Ağ Ev: ABŞ Rusiya və Çinlə dialoqa hazırdır

Birləşmiş Ştatlar ilkin şərt olmadan silahlara nəzarət üzrə Moskva və Pekinlə dialoq aparmağa hazırdır.

Publika.az xəbər verir ki, bunu Vaşinqton Silahlara Nəzarət Assosiasiyasının illik toplantısında milli təhlükəsizlik üzrə müşaviri Ceyk Sallivan bildirib.

Məlum olduğu kimi, iyunun 1-dən ABŞ Rusiya Federasiyasına Yeni START Müqaviləsinə daxil olan strateji silahlarının statusu və yeri barədə məlumatların ötürülməsini dayandırıb. Həmçinin, yeni vizaların verilməsinin nəzərdə tutulmamasına baxmayaraq, START çərçivəsində yoxlamalar üçün rusiyalı mütəxəssislərə əvvəllər verilmiş vizaların ləğvi gözlənilir.

"Biz Rusiya və Çinlə ilkin şərt olmadan silahlara nəzarət üzrə ikitərəfli danışıqlarda iştirak etməyə hazır olduğumuzu bəyan etdik", - Sullivan deyib.

Onun sözlərinə görə, Vaşinqton Strateji Hücum Silahlarının Sonradan Azaldılması və Məhdudlaşdırılması üzrə Tədbirlər Müqaviləsi (START) üzrə kəmiyyət məhdudiyyətlərinə əməl etməyə hazırdır, əgər Rusiya da buna hazırdırsa. Rusiya da hazır olarsa, biz əsas məhdudiyyətlərə sadiq qalmağa hazırıq", - o yekunlaşdırıb.

Ayşən