ABŞ-dan ilk İŞARƏ GƏLDİ: Real təhlükə yaranır, Kiyev hazırlaşır ki...

"Kiyevdəki siyasi narahatlıq Rusiya ilə sülh sazişinə hazırlıqla bağlıdır".

Publika.az xəbər verir ki, bunu Amerika Quincy İnstitutunun Avrasiya proqramının direktoru Anatol Lieven “Responsible Statecraft" nəşri üçün yazdığı məqaləsində Ukrayna Silahlı Qüvvələrində (AFU) kadr dəyişikliklərini şərh edərkən yazıb.

Onun sözlərinə görə, Ukrayna siyasətçiləri və rəsmiləri gələcək razılaşmaya görə məsuliyyətdən azad olmağa çalışırlar. Analitik qeyd edib ki, Ukrayna elitası Rusiyaya qarşı qeyri-real tələblər səbəbindən çətin vəziyyətdə qalıb və onlardan imtina etmək son dərəcə ağrılı və çətin olacaq.

O xəbərdarlıq edib ki, ABŞ-dan gələn yardımın kəsilməsi , eləcə də Rusiyanın artan üstünlüyü və Ukraynada siyasi qeyri-sabitlik Kiyev üçün təhlükə yaradır.

Lieven əlavə edib ki, Ukrayna hakimiyyəti Moskva ilə danışıqları təxirə salmamalıdır, çünki əks halda onların sövdələşmədə təklif edə biləcəkləri heç nə olmayacaq.

Bundan əvvəl Rusiya prezidenti Vladimir Putin Ukraynadakı vəziyyətin danışıqlar yolu ilə həllinə nail olmaq istədiyini bildirmişdi. O , Kiyevi danışıqlara qoyulan qadağanı aradan qaldırmağa çağırıb, razılaşmaların əldə olunması üçün dialoqun zəruri olduğunu vurğulayıb.

Hüseyn İbadlı