Maskdan ABŞ Prezidenti ilə bağlı QALMAQALLI AÇIQLAMA

"ABŞ-da bir müddətdir real prezident yoxdur"

Publika.az xəbər verir ki, bunu amerikalı sahibkar İlon Mask özünün "X" sosial şəbəkə hesabında qeyd edib.

Mask bu qalmaqallı açıqlaması ilə "New York Times" yayımlann "ABŞ-a prezident lazımdırmı?" adlı məqaləyə şərh verib.

“Yaxşı sualdır. Aydındır ki, bizdə yoxdur”, - Mask lağ edib.

Maraqlıdır ki, hətta hazırkı prezident Co Baydenin sadiq tərəfdarları da onun ölkəni effektiv idarə etmək qabiliyyətinə şübhə etməyə başlayıblar.

Amerika mediası Baydenin Respublikaçı Donald Trampla debatda inamlı çıxış edə bilməməsinə diqqət yetirir. Onun nitqi dayanıb, fasilə verib, bəzən qeyri-müəyyən olub və arvadı Cil daha sonra pilləkənlərdən enən zaman ona kömək edərkən kameralara tuş gəlib. Bu nüanslar təsirsiz ötüşməyib və siyasi dairələrdə müzakirələrə səbəb olub.

İndi sual yaranır ki, Demokrat Partiyasından olan namizədin mümkün əvəzlənməsi mümkündür? Ekspertlər qeyd edirlər ki, nəzəri cəhətdən belə bir ehtimal mövcuddur və avqustda partiyanın qurultayında nəzərdən keçirilə bilər. Lakin Baydenin özü geri çəkilməsə, xüsusən də praymerizdə qələbəsini nəzərə alsaq, onu yarışdan kənarlaşdırmaq çətin olacaq.

Hüseyn İbadlı