Ölümə səbəb olur: Bu göbələkləri almayın

Payızın gəlişi ilə meşəlik ərazilərdən toplanan göbələklərdən zəhərlənmə sayı artır.

Publika.az xəbər verir ki, göbələkləri yeyən bir çox insan ürəkbulanma, qusma, ishal, başgicəllənmə kimi şikayətlərlə xəstəxanaya müraciət edirlər.

Kastamonu Universiteti Tibb Fakültəsi müəllimi Çiğdem Sevim göbələk zəhərlənməsinin qarşısını almaq üçün əhəmiyyətli məlumatlar verib:

“Ən zəhərli kənd göbələyidir. Yedikdə yüzdə 95 ölümə səbəb olur. Göbələyin zülal dəyəri yoxdur, yalnız vitamin dəyəri var. Zəhərli və yeməli göbələkləri bir-birindən seçərkən ən vacib qayda budur ki, heç vaxt onların dadına baxmayın. Bir çox yeməli göbələklər müəyyən inkişaf dövrlərində özlərində müxtəlif zəhərli maddələr toplayırlar.

Bundan əlavə, ekoloji cəhətdən əlverişsiz bölgələrdə yetişən göbələklər özlərində külli miqdarda toksiki ağır metallar, kanserogen maddələr, avtomobil yanacaqlarının natamam yanma məhsullarını toplayırlar. Buna görə də, yol kənarlarında satılan göbələkləri almaq tövsiyə edilmir”.

Aysel Şahmar