ABŞ

Tramp-Harris debatının favoriti müəyyənləşdi

11 Sentyabr 2024 08:36

"ABC News" və "Ipsos"un sorğusuna əsasən, ABŞ prezidentliyinə namizədlər Donald Tramp və Kamala Harris arasında keçirilən debatda amerikalıların favoriti kimin olduğu məlum olub.

Publika.az xəbər verir ki, bu barədə şirkətin saytında məlumat verilir.

Nəşr vurğulayır ki, respondentlərin yalnız 37%-i ABŞ-ın keçmiş prezidenti Donald Trampın qələbəsinə inanır. Respondentlərin 43%-i Harrisin debatda qalib gələcəyinə əmin olduğunu bildirib. Amerikalıların daha 18%-i qərarsızdır.

Sorğu avqustun 23-dən 27-dək 2496 ABŞ vətəndaşı arasında aparılıb.

Avqustun 11-də Tramp Harrislə üç raund televiziya debatını elan edib. Onun sözlərinə görə, onlardan birincisi sentyabrın 4-də "Fox News" kanalında, ikincisi sentyabrın 10-da ABC-də, üçüncüsü isə sentyabrın 25-də NBC telekanalında baş verməli idi. Lakin sonradan Harrisin bu cədvəllə razılaşmadığı məlum olub.

Hüseyn İbadlı