ABŞ

Harrisdən qaradərililərə vəd: Marixuana qanuni olacaq

16 Oktyabr 2024 14:04

ABŞ-ın vitse-prezidenti və Demokratlar Partiyasından prezidentliyə namizəd Kamala Harris inandırmaqda ən çox çətinlik çəkdiyi seçici qruplarından biri olan qaradərili kişilər üçün marixuananın leqallaşdırılmasını ehtiva edən vədlər paketini açıqlayıb.

Publika.az xəbər verir ki, “Qara kişilər üçün fürsət planı” kimi təqdim edilən paketə qaradərili sahibkarlar üçün kreditlərin verilməsi, daha çox vəzifələrinin yaradılması, marixuananın leqallaşdırılması, həmçinin kriptovalyuta bazarlarına sərmayə qoyan qaradərililəri daha yaxşı qorumaq üçün qaydalar daxildir.

Demokrat namizədin vədlər paketi qaradərililərin Harrisə və ya onun rəqibi Respublikaçı namizəd Donald Trampa səs vermək əvəzinə seçkiyə getməyəcəyi ilə bağlı narahatlıqların artdığı bir vaxta təsadüf edir. Ötən həftə ABŞ-ın 44-cü prezidenti Barak Obama da qaradərililərin Harrisə qarşı qərəzli olduqlarını və səs verməmək üçün bəhanələr gətirdiklərini söyləyib.

Aysel Şahmar