Art

ABŞ-da dünyasını dəyişən rus şairin son xahişi nə olub?

1 Aprel 2017 22:51

İyulun 18-də şairin 85 illik yubileyi təntənəli surətdə qeyd olunacaqdı.

Bu gün ABŞ-da vəfat edən görkəmli rus şair Yevgeni Yevtuşenkonun son sözləri dərc olunub.

Publika.az “TASS”-a istinadən xəbər verir ki, mərhum şair martın 29-da yubiley festivalının baş prodüseri Sergey Vinnikovla söhbətində son xahişini və harada dəfn olunmaq istədiyini deyib:

“Sergey, mən xəstəxanada çox ağır vəziyyətdəyəm, həkimlər tezliklə dünyadan köçəcəyimi proqnozlaşdırır. Sizi yarıyolda qoyduğum üçün üzr istəyirəm. Ancaq istəyirəm birlikdə fikirləşdiyimiz layihələr (Konservatoriyanın Böyük zalında gecə və Kreml sarayında tamaşa) mənsiz də olsa, baş tutsun. Mənə söz ver. Bunları eləsən o dünyaya rahat gedəcəm. Bir də son xahişim odur ki, məni Pasternakın yanında dəfn edərsiz”.

Qeyd edək ki, iyulun 18-də şairin 85 illik yubileyi təntənəli surətdə qeyd olunacaqdı.