Avropa

Melonidən Makrona: Bizə ağıl öyrətmə!

26 Sentyabr 2022 23:34

“Fransa Afrikanın müsləmləkəçi istismarını davam etdirir. 14 ölkədə zərbxanalar işlədərək pul kəsdirir, uşaqları mədənlərdə işlədərək xammal əldə edir. Fransa nüvə reaktorlarında istifadə etdiyi uranın 30%-ni Nigerdə əldə edir. Lakin Niger əhalisinin 90%-i elektriksiz yaşayır. Bizə dərs verməyə çalışma, Makron!

Publika.az xəbər verir ki, bunu İtaliyadakı parlament seçkilərində qalib gələn sağ mərkəzçilər blokuna daxil olan “İtaliyanın qardaşları” partiyasının sədri və ölkənin mümkün gələcək baş naziri ola biləcək Corciya Meloni Fransa prezidenti Emmanuel Makron haqqında danışarkən deyib.

Corcia Meloni bildirib ki, afrikalılar Makronun siyasəti ucbatından qitələrini tərk etməyə məcbur qalırlar:

“Halbuki, həll yolu afrikalıların Avropaya köçməsi deyil, Afrikanın avropalılardan qurtulmasıdır. Sizdən dərs almağı qəbul etmirik”, - deyə Meloni bəyan edib.