Avropa

Putinin ayağı Almaniya ərazisinə dəysə, həbs olunacaq - Buşman

19 Mart 2023 13:24

Almaniyanın ədliyyə naziri Marko Buşman Rusiya prezidenti Vladimir Putinin Almaniyaya gələcəyi təqdirdə onu həbs edəcəyinə söz verib.

Publika.az-ın məlumatına görə, Almaniyanın “Die Zeit” nəşri yazır ki, Marko Buşman Haaqa Beynəlxalq Cinayət Məhkəməsinin qərarına tabedir və Vladimir Putinin “ayağı Almaniya ərazisinə dəyərsə” onun həbsi tələbini yerinə yetirməyə hazırdır.

Xatırladaq ki, Haaqa Beynəlxalq Cinayət Məhkəməsi Vladimir Putin və uşaq ombudsmanı Mariya Lvova-Belovanın həbsinə order verib. İttihamlar “Ukraynalı uşaqların oğurlanması və Rusiyaya aparılması” ilə bağlı irəli sürülüb.

Kreml məhkəmənin qərarını “hüquq baxımından əhəmiyyətsiz” adlandırıb. Rusiya prezidentinin mətbuat katibi Dmitri Peskov Vladimir Putinin həbsi məsələsinin gündəmə gətirilməsini qərəzli və qəbuledilməz hesab edir.

Akqabay