Avropa Komissiyası Gürcüstanla bağlı qərar verə bilər - Şərt qoyulub ki...

Avropa Komissiyası Gürcüstana Avropa İttifaqına üzv olmaq üçün namizəd statusunun verilməsi ilə bağlı qərar qəbul etməyə meyllidir.

Bu barədə Publika.az "Exo of Caucasus"a istinadla yazır .

Mənbələrin sözlərinə görə, Gürcüstana namizəd statusunun verilməsi ilə bağlı tövsiyə o halda qəbul edilə bilər ki, Tbilisi yaxın aylarda ölkəni Avropa İttifaqından uzaqlaşdırmaq üçün əlavə addımlar atmasa.

Əvvəlcədən, artıq oktyabr ayında Avropa Komissiyası Ukrayna və Moldova ilə Aİ-yə daxil olmaq üzrə danışıqlara başlamaq üçün tövsiyə verəcək. Beləliklə, Avropaya inteqrasiya prosesində Tbilisi hələ də Kiyev və Kişinyovdan geri qalacaq.

"Azadlıq Radiosu"nun jurnalisti Rikard Jozviak bildirib ki, hesabatların oktyabrda dərc olunmasına hələ xeyli vaxt var. Və Avropa Komissiyasının Tbilisiyə statusun verilməsi ilə bağlı müsbət tövsiyə verəcəyi təqdirdə, bu, yekun qərar olmayacaq. Onu assosiasiyaya üzv olan 27 ölkə qəbul etməlidir. Ola bilsin ki, bu ilin dekabrında baş verəcək.

Qeyd edək ki, martın əvvəlində Gürcüstanda “xarici agentlər” haqqında qanuna qarşı etirazlar bir neçə gün ardıcıl olaraq davam edib və bu aksiyalar polislə toqquşmalarla müşayiət olunub.

Uzun mitinqlərdən sonra hakim “Gürcü arzusu” partiyası parlamentdə “xarici agentlər”lə bağlı qalmaqallı qanun layihəsini rədd edib.

Hüseyn İbadlı