Avropa

Argentina Prezidenti İtaliya vətəndaşı oldu

14 Dekabr 2024 09:36

İtaliyanın Baş naziri Corciya Meloni Argentina Prezidenti Xavyer Mileyə İtaliya vətəndaşlığı verib.

Publika.az xəbər verir ki, Mileyin İtaliya kökləri var. Onun ata tərəfdən nənə və babası İtaliyanın cənubundakı Kalabriya əyalətindən olub və Argentinaya mühacirət ediblər. Beləliklə o, vətəndaşlığı “qan hüququ” prinsipi əsasında alıb. Mileyin siyasi məsləhətçisi olan kiçik bacısı Karinaya da vətəndaşlıq verilib.

Qeyd edək ki, Mileydən əvvəl də ikili vətəndaşlığı olan Argentina Prezidenti olub. 215-2019-cu illərdə Argentinaya başçılıq edən Maurisio Makri italyan mühacirin oğlu olduğu üçün İtaliya pasportuna sahib idi.

Argentina Konstitusiyası prezidentlərin ikinci vətəndaşlığa sahib olmasını qadağan etmir.

Xatırladaq ki, Argentina dövlət başçısı dekabrın 13-də Meloni ilə görüşmək və “İtaliya Qardaşları” partiyasının illik qurultayında iştirak etmək üçün İtaliyaya səfər edib.