Almaniya şokdadır: Maskın bu qərarı ölkəni qarışdırdı

Amerikalı sahibkar və milyarder İlon Maskın sağçı Almaniya üçün Alternativ (AfD) partiyasının həmsədri Alis Vaydel ilə yayım qərarı alman hakimiyyəti üçün güclü zərbə olacaq.

Publika.az xəbər verir ki, bu barədə Rusiya Federasiya Şurasının İnformasiya Siyasəti Komissiyasının rəhbəri Aleksey Puşkov "Telegram" kanalında məlumat verib.

“Yanvarın 9-da İlon Mask AfD rəhbəri Alis Vaydel ilə birlikdə yayımda olmaq niyyətindədir. Bu, təbii ki, Almaniya siyasi sisteminə zərbədir. Siyasi cəhətdən Almaniya şokdadır”, - Puşkov yazıb.

Onun sözlərinə görə, Mask Almaniya və Böyük Britaniyada sağ hərəkatları açıq şəkildə dəstəkləməyə başlamaq qərarına gəlib. Puşkov əlavə edib ki, bu, Almaniya Xristian Demokratik İttifaqı (CDU) və Britaniya Mühafizəkarlar Partiyası tərəfindən təmsil olunan “psevdo-müxalifət”dən açıq şəkildə narazıdır, əslində liberal qlobalistlərin başqa bir versiyasıdır və xristianlıqla və ya mühafizəkarlıqla heç bir əlaqəsi yoxdur.

Bundan əvvəl Almaniya kansleri postuna namizəd Fridrix Merz Maskı AfD-ni dəstəklədiyinə görə tənqid etmişdi. “Qərb demokratiyalarının tarixində dost ölkənin seçki kampaniyasına oxşar müdaxilənin olduğunu xatırlamıram”, - deyə siyasətçi qeyd edib.

Akqabay