Avropa

Trampın xüsusi nümayəndəsi Kiyevə səfərini TƏXİRƏ SALDI: Buna görə

7 Yanvar 2025 09:06

ABŞ-ın yeni seçilmiş prezidenti Donald Trampın Ukraynadakı müharibə üzrə xüsusi nümayəndəsi general Keyt Kelloq Kiyevə və Avropanın digər paytaxtlarına planlaşdırılan səfərini təxirə salıb. Səfər yanvarın 20-də Trampın andiçmə mərasimindən sonra baş tutacaq.

Publika.az xəbər verir ki, bu barədə "Reuters" məlumatlı mənbələrə istinadən yazır.

Nəşrin əvvəllər xəbər verdiyi kimi, Kelloq ilkin olaraq yanvarın əvvəlində Ukrayna hakimiyyəti ilə görüşmək üçün Kiyevə səfər etməyi planlaşdırırdı. Onun komandası Roma və Paris də daxil olmaqla digər Avropa paytaxtlarında rəsmilərlə görüşlər də təşkil edib.

Lakin 5 noyabr seçkilərindən sonra formalaşan Tramp administrasiyasının rəsmilərinin Kiyevə ilk ziyarəti olacaq səfərin təxirə salındığı, Kelloqun Trampın vəzifəyə başlamasından sonra Ukraynaya gedəcəyi gözlənilir. Lakin dəqiq tarix hələ müəyyən edilməyib.

Eyni zamanda, nəşr qeyd edir ki, Kelloqun səfəri niyə təxirə saldığı hələ aydın deyil.

Akqabay