Kiyev qaranlığa qərq oldu

Kiyevdə elektrik enerjisinin verilişi dayanıb.

Publika.az xəbər verir ki, bu barədə Ukraynanın “İnsayder” nəşri məlumat yayıb.

Nəşr işıqsız qalmış küçələrin görüntülərini yayımlayıb.

Ukraynanın “5-ci kanal”ının məlumatına görə, Kiyevin bəzi rayonlarında 16 saatdan çoxdur elektrik enerjisi yoxdur. Paytaxtın Dnepr çayının sol sahilində yerləşən Troyeşina yaşayış massivi tamamilə işıqsız qalıb.

Strana.ua nəşrinin məlumatına görə, Kiyev sakinləri paytaxtda elektrik enerjisinin hətta müəyyən edilmiş qrafiklərə uyğun olaraq da verilmədiyindən şikayət edirlər. DTEK enerji holdinqinə şikayət göndərmək ya mümkün olmur, ya da oradan göstərilən ünvanda elektrik enerjisinin olduğunu bildirirlər.

Rusiya Silahlı Qüvvələrinin enerji obyektlərinə zərbələri fonunda Kiyevdə elektrik enerjisi ilə bağlı vəziyyət kritik həddə çatıb. Şəhərdə elektrik enerjisinin sərt kəsilmə qrafikləri tətbiq edilib. KİV-in məlumatına görə, bəzi rayonlarda elektrik enerjisi cəmi 1,5 saatlıq veriləcək. Bundan əlavə, 80 mindən çox ailənin evində hələ də elektrik enerjisi yoxdur. Kiyevin meri Vitali Kliçko bildirib ki, şəhərdə yalnız elektrik enerjisi ilə deyil, su təchizatı ilə bağlı da fasilələr yaranıb.

Hüseyn İbadlı