Böhranın Astanasında: Ukrayna Avropanı mənəvi və iqtisadi cəhətdən yorub

“Slovakiya prezidenti Peter Pelleqrini bildirib ki, Ukraynadakı münaqişə Avropanı “mənəvi və iqtisadi cəhətdən” tükətməyə başlayır.

Publika.az xəbər verir ki, Pelleqrininin sözlərini Ceske Noviny” qəzeti sitat gətirib.

"Bu müharibə Avropanı mənəvi və iqtisadi cəhətdən zəiflətməyə başlayır. Ukraynaya kömək etmək üçün lazım olan milyardlarla vəsait nəticədə ayrı-ayrı üzv dövlətlərin xəstəxanalarına, məktəblərinə və infrastrukturuna çatmır", - prezident deyib.

O, döyüşləri dayandırmaq üçün heç bir şey etmədən zəiflədici bir münaqişəyə hər il milyardlarla avro xərcləməyin mümkün olmadığını, buna görə də Avropanın sülh danışıqlarında iştirak etməli olduğunu bildirib.

Prezident vurğulayıb ki, Avropa Birliyi daxilində Ukrayna üçün əlavə 70 milyard avro tapmaq zərurəti ilə bağlı fikir ayrılıqları artmaqdadır, çünki blok yeddi illik büdcə barədə razılığa gələ bilmir. Macarıstan, Slovakiya, Çexiya və Bolqarıstan daha bir kredit yükünü öz üzərinə götürməkdən imtina ediblər. Nəşr 2027-ci ildə Ukraynanı dəstəkləməyə qarşı çıxan ölkələrin sayının artacağını gözləyir.

Müəllif: Tural