Bilgi.az

Alimlər piramidaların daxilini öyrənəcəklər

30 Oktyabr 2015 02:12

Alimlər piramidaların daxilinə baxmağa kömək edəcək texnologiya hazırlayıblar.

Publika.az xəbər verir ki, Yapon alimləri də daxil olmaqla dörd ölkənin mütəxəssisləri qabaqcıl texnologiyadan istifadə etməklə piramidaların daxilinə baxmağa kömək edəcək yeni layihəyə start veriblər.

Misir, Fransa, Kanada və Yaponiyadan olan alimlərin hazırladığı layihə "Scan Piramidis" adlanır. Naqoya Universitetinin dosenti Kunahiro Morişima piramidanın daxilinə baxmaq üçün myuon adlı hissəciklərdən istifadə edən qurğudan istifadə edəcəklərini deyib. O, qeyd edib ki, myuonlar kosmik şüaların yerin atmosferi ilə toqquşması nəticəsində yaranır.

Bu hissəciklər piramidalar da daxil olmaqla bərk hissələrdən asanlıqla keçərək rentgeneskopiya kimi qapalı obyekt haqda dəqiq məlumat vermək qabiliyyətinə malikdir.