Marsda SENSASİYALI TAPINTI: İnsan üzünə bənzəyən böyük daş - FOTOLAR

Marsda insan üzünə oxşar daşı ilk dəfə 1981-ci ildə NASA-nın Günəş sisteminin öyrənilməsi ilə məşğul olan çoxsaylı peyklərindən biri tapıb. O zaman mövcud cihazlar şəkilləri yüksək keyfiyyətdə çəkməyə imkan vermirdi, hətta çəkilən şəkillər də dəhşət və heyrət doğururdu. Söhbət əslində, Yer kürəsi üçün qeyri-adi texnologiyalarla qayadan yonulmuş, nəhəng üz (diametri bir neçə kilometr) barədə gedir. Bu üzün kim tərəfindən, nə və hansı məqsədlərlə yaradılması hələ də sirr olaraq qalır.

Bu illər ərzində bəşəriyyətin 13 ən yaxşı alimi müxtəlif fərziyyələr irəli sürdülər, amma onlar hamısı eyni nəticəyə gəldi: Bu üz Yer kürəsinin insanları üçün mesaj olaraq yerdənkənar sivilizasiyalar tərəfindən göndərilib. Alimlər hesab edir ki, bizim texnologiyalar yüksək həddə çatanda üzün kodunu açmaq mümkün olacaq.

Həmçinin Yer və Marsın fırlanma sürətinə baxmayaraq, daşın üzü həmişə Yerə tərəfdir. Bu effekt yalnız unikal coğrafi mövqeyi seçimi sayəsində əldə edilə bilərdi.

NASA-nın bu məsələ ilə bağlı açıqlama verməkdən inadla imtina etməsi insanlar üçün sirr olaraq qalır. Buna baxmayaraq, bu təşkilat Marsa pilot ekspedisiyaları hazırlayır və onu müstəmləkələşdirmək barədə real planlar qurur.

Sözügedən sahənin 2013-cü ildə çəkilmiş yüksək keyfiyyətli son fotosunda üz və onun ətrafında yerləşən piramidaları aydın görmək olar. Bundan başqa, üzün ideal simmetriyasından aydın görünür ki, onu yalnız çox ağıllı varlıqlar yarada bilərdi.

Belə ki, bütün gizlinlər gec-tez aşkara çıxır və Marsın üzünün açılması üçün pilotlu uçuşların reallaşmasını və Marsın müstəmləkələşdirilməsini gözləmək qalır. Bu isə 2033-cü ilə təyin olunub. Yeri gəlmişkən, alimlər Marsda su da aşkar etmişdilər.

Aytən