Köpək balıqları zənn edildiyi qədər qorxulu deyil - FOTOLAR

Pələng köpək balığı köpək balıqlarının ən böyük və ən təhlükəli növlərindən biridir. Dənizdə üzən və ya sörf edən insanlara hücum edən köpək balıqlarının çoxu bu növdən olanlardır. Pələng köpək balıqları qarşısına çıxan hər şeyi yeyir: Tısbağa, quş, balıq (həmçinin köpək balıqlarını). Hətta bəziləri avtomobil şiti, planşet və hər cür zibili də mədəyə göndərir. Buna görə onlara "tullantıların yeyicisi" də deyilir.

Ölümcül maraq

Pələng köpək balıqları çox maraqlı heyvanlardır. Bəzən hətta insan ətinin ləzzətini də yoxlayır. Ancaq bəyənmədiyi üçün dərhal geri tüpürür. Kəskin dişlərini keçirdiyi insanın yaralanmasına, vaxtında yardım edilməzsə, qan itkisindən ölməsinə səbəb ola bilər.

İnsanlar adətən köpək balıqlarının maraq sahəsində deyil. Faciəvi qəzalar çox nadirdir. Araşdırmalara görə, hər il təxminən 5 nəfər köpək balığı hücumu nəticəsində ölür. Bütün dünyada bir ildə ən çox 63 hücum baş verir. Köpək balıqlarını qoruma təşkilatı "Şarkprojet"in başçısı Qerhar Veqner riskin 240 milyonda 1 olduğunu deyir.

Köpək balığı ovu

Əslində isə qorxmalı olan tərəf köpək balıqlarıdır. Çünki insanlar tərəfindən vəhşicəsinə ovlanırlar. Hər il yüz milyondan çox köpək balığı öldürülür. Buna görə, təxminən 70 növü hazırda tamamilə tükənmək təhlükəsiylə qarşı-qarşıyadır.

Köpək balıqlarını üzgəclərinə görə öldürürlər. Çin və digər Asiya ölkələrində köpək balığı üzgəci şorbası ən gözəl ləzzətlərdən sayılır. Tutulan köpək balıqlarının üzgəcləri kəsildikdən sonra bədənləri yenidən dənizə atılır. Yaralı köpək balığı yavaş-yavaş və əzabla ölür.

Dənizlərin aslanı

Elm adamları böyük ağ köpək balığı növünün düşünüləndən daha böyük bir təhdid altında olduğu barədə xəbərdarlıq edir. Üzgəclərindən pul qazanmaq istəyənlər kimi qənimət ovçuları da uzunluğu səkkiz metrə çatan bu canlıları təqib edir. Böyük ağ köpək balıqlarının təbiətdə insanlardan sonra yeganə düşməni qatil balina Orkadır.

Dekorasiya obyekti

Turistlər və ov həvəskarları böyük ağ köpək balığının təsir edici dişlərinə külli miqdarda pul ödəyir. Dişlər boyunbağı olaraq boyunları və ya qonaq otaqlarını bəzəyir. Bir dişin uzunluğu 7,5 santimetrə çatır. Köpək balığının başı da sevilən dekorasiya obyektlərindəndir.

Köpək balıqlarının cücə köpək balığı kimi sadəcə 20 sm uzunluğunda olan növləri də var, balina köpək balığı kimi nəhəng ölçüdə olanları da. Bu balıq 13 metr uzunluğunda və 12 ton ağırlığındadır. Amma bir çox böyük balıq kimi balina köpək balığı da zərərsizdir. Yalnız plankton və mikroorqanizmlərlə bəslənir. Hətta seviləcək qədər itaətkardırlar.

Əli