Bilgi.az

Hər il 100 min dollar qazanacaq it - FOTOLAR

19 Yanvar 2015 09:41

Nyu-York sakini Rouz-Enn Bolasni öz vəsiyyətnaməsinə Bella Mia adlı itini daxil edib.

Publika.az xarici mətbuata istinadən məlumat verir ki, qadın öldükdən sonra it hər il 100 min dollar pul qazanacaq.

60 yaşlı milyoner qadın Bolasni deyib: "Bella Mia heç vaxt olmayan qızımı əvəz edir. O, təmtəraqlı həyat tərzinə öyrəşdiyi üçün mən öldükdən sonra o heç nədən korluq çəkməsin".

Qadının oğulları vəsiyyətnaməyə 3 yaşlı itin adının da qeyd olunmasının əleyhinə olmayıb. Bolasni deyir: "Oğlanlarım böyükdür. Onların pula ehtiyacı yoxdur. Bundan əlavə onların Bella Mianın mənimlə ərimi necə xoşbəxt etməsindən xəbərləri var".

Hazırda itin iri çarpayısı olan ayrıca otağı var. Orada ev heyvanı üçün nəzərdə tutulan minlərlə geyim və aksessuarın - ətək, cins, sviter, ziyafət geyimi, papaqlar, pijama, hündürdaban ayaqqabının saxlandığı qarderob da var.

Bella Mia qaşıqla yemlənir, səyahət zamanı isə onu 5 ulduzlu restoranda yedizdirirlər. Bundan əlavə, it hər həftə pedikür və saç ustasının yanına gedir.

Nura