Bilgi.az

ŞOK: Kanalizasiyadan 2,6 milyon dollarlıq qızıl tapıldı

19 Yanvar 2015 23:16

ABŞ-da Arizona Ştatı Dövlət Universitetinin alimləri tərkibində həyat fəaliyyəti, leysan, çirkab, sənaye tullantıları və bir çox digər şeylər olan kanalizasiya sularının çöküntülərini öyrəniblər.

Publika.az-ın məlumatına görə, nəticələr inanılmaz olub. Bir milyon adamın bir il ərzində hasil etdiyi tullantıların tərkibində 2,6 milyon dollarlıq qızıl və gümüş olduğu məlum olub.

Hazırda kanalizasiyadan qızıl çıxarmaq əsla sərfəli deyil, lakin alimlər bu problemi həll etməyi qarşılarına məqsəd qoyublar. Ola bilsin, tezliklə bir çox ölkələrdə zəngin metal ehtiyatları kanalizasiyadan bərpa edilən qızılın hesabına artırılacaq.

Son illər bir çox ölkələrdə tullantıların emalına çox böyük diqqət yetirilir. Tədqiqatçılar təbiətə vurulan ziyanı azaltmaq üçün tullantı məhsullarından yeni materiallar sintez etmək yollarını axtarırlar.