Manyak çadırı yarıb qadınları qaçırdı - Dəhşətli hadisə

ABŞ-da 58 yaşlı kişi iki turist qadını qaçırmaq və zorlamağa cəhd etməkdə ittiham olunub.

Publika.az xəbər verir ki, bu barədə "New York Post" məlumat yayıb.

Hadisə 2024-cü il iyulun 4-də Tillamuk dairəsində yerləşən ictimai piyada marşrutunda baş versə də, şübhəlinin kimliyi yalnız bu yaxınlarda müəyyən edilib.

Məlumata görə, Cin Arnold Maklenitan gecə saatlarında turist qadınların çadırına yaxınlaşıb, çadırı kəsərək onları zorla çölə çıxarıb. O, qadınların əllərini bağlayıb, gözlərini örtərək zorlayacağı ilə hədələyib.

Şübhəli üzərində ülgüc kimi iti bıçaqlarla dolu çanta olduğunu bildirərək qadınlara müqavimət göstərməməyi bildirib. Buna baxmayaraq, zərərçəkənlər qaçaraq xilas ola biliblər. Onların necə qurtulduğu isə açıqlanmayıb.

Maklenitan hadisədən sonra təxminən iki il azadlıqda qalıb. Məlum olub ki, o, daha əvvəl də silahlı şəkildə yaşayış evinə qanunsuz daxil olma və cinsi zorakılıq cinayətlərinə görə məhkum edilib.

Məhkəmə onun girov müqabilində azadlığa buraxılmadan həbsdə saxlanılmasına qərar verib. Təqsiri sübuta yetirilərsə, onu ömürlük həbs cəzası gözləyir.

Hüquq-mühafizə orqanları Maklenitanın başqa qurbanlarının da ola biləcəyini istisna etmir.

Adəm