Keçmiş əri bloger qadını güllələdi - Şokedici cinayətin arxasında bu ittiham dayanır

ABŞ-ın Oklahoma ştatında 43 yaşlı "TikTok" blogeri Sara Gilson keçmiş əri tərəfindən qətlə yetirilib.

Publika.az xəbər verir ki, bu barədə "NBC News" məlumat yayıb.

Bildirilib ki, Sara Gilson hadisədən iki həftə əvvəl keçmiş əri Ceremi Daffini azyaşlıya qarşı əxlaqsız hərəkətlərdə ittiham edən video paylaşmışdı. Təxminən 30 min izləyicisi olan bloger həmin paylaşımından sonra məhkəmədən mühafizə orderi almış, keçmiş ərinə ona 100 yarddan (təxminən 91 metr) artıq yaxınlaşmamaq tapşırılmışdı.

Buna baxmayaraq, iyulun 23-də Ceremi Daffi qadının evinə daxil olub. Sara polisə zəng etməyə çalışsa da, dispetçer yalnız qadının qışqırığını və ardınca atəş səsinə bənzər səs eşidib.

Bir neçə dəqiqə sonra isə bir oğlan polisə zəng edərək ögey atasının anasını güllələdiyini bildirib.

Hadisə yerinə gələn polis əməkdaşları Sara Gilsonu və Ceremi Daffini güllə yaraları ilə aşkar ediblər. İstintaq ilkin ehtimala görə, hadisəni qətl və ardınca intihar kimi qiymətləndirir.

Qeyd edək ki, qətlə yetirilən blogerin bir oğlu və bir qızı yadigar qalıb.

Faktla bağlı araşdırma davam etdirilir.

Adəm