“Məni zorlayıb!” - 79 yaşlı qadın 49 yaşlı sevgilisindən şikayət etdi, özü cərimələndi

Krasnodar diyarının 79 yaşlı sakini yalançı zorlama şikayətinə görə 100 min rubl (təxminən 2 min 100 manat) cərimələnib.

Publika.az xəbər verir ki, “Mash”ın məlumatına görə, yaşlı qadının sevgilisinin 49 yaşı olub. Xəstəxanaya müraciət edən qadın sevgilisi ilə intim münasibətdə olarkən xəsarət aldığını iddia edib. Həkimlər xəsarəti qeydə alıblar.

Qadın polisə sevgilisi tərəfindən zorlandığını bildirib. Bu səbəbdən cinayət işi başlanıb və kişinin real həbs cəzası almaq təhlükəsi yaranıb.

79 yaşlı qadın sevgilisinə həbs cəzası verilə biləcəyini anlayandan sonra ifadəsini dəyişib. O, etiraf edib ki, zorakılıq olmayıb və sadəcə, yaşına baxmayaraq könüllü intim münasibətdə olduğunu deməyə utandığı üçün belə şikayət edib.

Nəticədə kişi barəsində açılan cinayət işi bağlanıb. Yaşlı qadın isə bilərəkdən yalan xəbər verməkdə təqsirli bilinib. O, məhkəmədə günahını tam etiraf edib və peşman olduğunu bildirib.

Məhkəmə qadının yaşını, səhhətini və əvvəllər məhkum olunmamasını nəzərə alaraq ona 100 min rubl (təxminən 2 min 100 manat) cərimə kəsib.

Adəm