• USD 1,7000 0,00% EUR 1,8961 -0,04%
    • GBP 2,2069 +0,60% RUB 0,0267 +0,37%

Honkonqda etiraz aksiyası - Polis gözyaşardıcı qazdan istifadə etdi

  • Digər
  • 22 Sentyabr 2019 04:55
Honkonqda etiraz aksiyası - Polis gözyaşardıcı qazdan istifadə etdi

Honkonq polisi bu gün növbəti etiraz aksiyasına çıxan hökumət əleyhdarlarını dağıtmaq üçün gözyaşardıcı qazdan istifadə edib.

Yerli televiziyanın məlumatına görə, metal çubuqlar, sapandlar və lazerlərlə silahlanmış radikal etirazçılar Tun Mun rayonundakı hökumət binası yaxınlığında toplaşıblar. Onlar dövlət bayrağını yandırıblar, əmlaka ziyan vurublar və barrikadalar qurublar.

Polis ayrı-ayrı fəalları saxlayaraq aksiya iştirakçılarını dərhal dağılışmağa çağırıb.

Təhlükəsizlik səbəbilə eyniadlı "Tun Mun" stansiyası, eyni zamanda nümayişlərin gözlənildiyi başqa yerdəki "Yen Lun" stansiyası bağlanılıb.

Qeyd edək ki, Honkonqda kütləvi etirazlar üç aydan çoxdur davam edir. Sentyabrın 4-də yerli administrasiyanın rəhbəri Kerri Lam nümayişçilərin beş tələbindən birini yerinə yetirməyə və cinayətkarların Çinin materik hissəsinə verilməsini təmin edən ekstradisiya haqqında qanun layihəsini tamamilə ləğv etməyə razı olub. Buna baxmayaraq, bir çox gənc müxalifət tərəfdarları aksiyaları davam etdirməyə hazır olduqlarını bildirirlər./report

Xəbər lenti

DAHA ÇOX XƏBƏR