Digər

Beyrut partlayışının vurduğu ziyan açıqlandı - - RƏSMİ

1 Sentyabr 2020 10:37

Livanın paytaxtı Beyrutdakı partlayış şəhərə 4,6 milyard dollar maddi ziyan vurub.

Publika.az xəbər verir ki, bu barədə Dünya Bankının açıqlamasında deyilir.

Açıqlamada Dünya Bankı Qrupunun təcili ehtiyac duyulan qlobal müdaxiləyə rəhbərlik etmək üçün Birləşmiş Millətlər Təşkilatı (BMT) və Avropa İttifaqı (Aİ) ilə birlikdə Livandakı nazirlik və qeyri-hökumət təşkilatları ilə əməkdaşlıq çərçivəsində sürətli ziyan və ehtiyac dəyərləndirilməsi gerçəkləşdirdiyi bildirilib. İlkin dəyərləndirilmələrə əsasən də bu məbləğ qərarlaşdırılıb.

Partlayışın 2,9-3,5 milyard dollar arasında iqtisadi itkiyə səbəb olduğu, qalan məbləğin isə nəqliyyat, yaşayış və mədəniyyət sahələrinə aid edildiyi qeyd olunur.

Qeyd edək ki, Beyrut limanında 4 avqustda baş verən partlayış nəticəsində 182 nəfər dünyasını dəyişmiş, 6 minə yaxın insan yaralanmışdı. Onlarla insan isə itkin düşüb.

Zümrüd