Kanadada Ermənistana sanksiya tətbiq olunması üçün imzatoplama kampaniyasına başlanılıb.
Publika.az xəbər verir ki, təşəbbüs ölkədə yaşayan azərbaycanlılar tərəfindən irəli sürülüb.
Mərkəzi Torontoda yerləşən Azərbaycanlı Kanadalılar Mədəniyyət Mərkəzi tərəfindən “change.org” saytında start verilən kampaniyada Ermənistanın dinc əhalini bombalayaraq humanitar və müharibə cinayəti törətdiyi ifadə edilib.
Mərkəzin koordinatoru Anar Cahangirli məsələ ilə bağlı açıqlamasında Ermənistanın Gəncə, Mingəçevir, Tərtər, Bərdə, Qəbələ və digər şəhərlərini raket atəşlərinə tutduğunu azyaşlı və qadınlar daxil olmaqla, dinc əhalinin öldürüldüyünü qeyd edib: “Bu səbədən Kanada hökumətini Ermənistana hərbi və ticarət sanksiyaları tətbiq etməyə çağırırıq. Ermənistanın müharibə cinayətlərini Kanada cəmiyyətinin diqqətinə çatdırmağa davam edəcəyik”.
A.Cahangirli, bununla yanaşı, Toronto bələdiyyə sədri Con Toridən Azərbaycanla Ermənistan arasında münaqişəsi ilə bağlı açıqlamasından dolayı üzr istəməsini tələb etdiklərini bildirib.
Qeyd edək ki, imzatoplama kampaniyasına bu ana qədər 2 minə yaxın insan qatılıb. Kampaniyaya türklərlə yanaşı, kanadalılar da dəstək verir.
Zümrüd
.jpg)
