Rus dilinin rəsmi statusu LƏĞV EDİLİR - TƏKLİF VERİLDİ

Qırğızıstanda konstitusiya islahatı çərçivəsində rus dilini rəsmi statusundan məhrum etmək təklifi verilib.

Publika.az-ın məlumatına görə, bu barədə Qırğızıstanın Konstitusiya Şurasının üzvü Sadirdin Toraliev bildirib.

"Bu, radikal səslənə bilər. Ancaq təklifim budur ki, dövlət dili olaraq yalnız qırğız dilini müəyyən edək. Qalan dilləri başqa qanunlarla inkişaf etdirəcəyik. Rus dili rəsmi statusa sahibdir. Bu olmamalıdır", - o deyib.

Onun sözlərinə görə, gənclər artıq qırğız dilində danışmırlar. Buna görə də dövlət dili təhlükə altındadır: "Niyə qırğız dilini öyrənmirlər? Çünki buna ehtiyac yoxdur. Bu ehtiyacı yaratmalıyıq. Yalnız bundan sonra hər kəs qırğız dilini öyrənməyə və danışmağa başlayacaq".

Qeyd edək ki, rus dilinin rəsmi statusu dövlət dili olan qırğız dilinin statusu ilə yanaşı ölkə Konstitusiyasında təsbit edilib.

Bundan əvvəl, Qırğızıstan parlamenti Konstitusiyaya dəyişikliklərlə bağlı referendumun təyin edilməsi barədə qanun layihəsini ictimai müzakirəyə təqdim etmişdi. Sənəddə Xalq Qurultayının (şurasının) təsisatının demokratiyanın ali məşvərətçi, məşvərətçi və əlaqələndirici orqanı kimi tanıdılması, prezidentin və hökumətin quruluşunun yenidən formalaşdırılması, kabinetin formalaşdırılması və onun işindən dövlət başçısının məsuliyyət daşıması və parlament üzvlərinin sayının 120-dən 90-a endirilməsi təklif olunur. Təklif olunan yeniliklər parlament-prezidentdən prezident idarəetmə formasına qayıtmağı ehtiva edir.

Konstitusiyaya dəyişikliklərlə bağlı referendumun 10 yanvar 2021-ci ildə, respublikada prezident seçkiləri ilə eyni gündə keçirilməsi planlaşdırılır.

Zümrüd