Yaponiya PUA-lar üçün hərəkətə keçdi - ABŞ və İngiltərə...

Yaponiya Müdafiə Nazirliyi 2035-ci ilədək pilotsuz döyüş təyyarələri (PUA) istehsal edərək istifadəyə vermək niyyətindədir.

Publika.az xəbər verir ki, bu barədə “Nikkei” qəzeti qurumdakı mənbələrinə istinadən məlumat yayıb.

Nəşrə görə, bu təyyarələrin kokpitə ehtiyacı yoxdur, buna görə də ölçülərini kiçiltmək olar. Öz növbəsində, bu, daha az miqdarda mənbə istifadəsinə və seqmentindəki rəqibləri ilə müqayisədə daha aşağı istehsal xərclərinə şərait yaradacaq.

Bununla birlikdə, pilotsuz təyyarələrin inkişaf mərhələsində süni intellekt və uzaqdan idarəetmə sahəsində döyüş maşını sistemlərinin işini təmin edəcək genişmiqyaslı araşdırmalar aparmaq lazımdır.

Departamentin bu cür tədqiqat məqsədləri üçün 2,7 milyard yen (təqribən 26,1 milyon dollar) ayıracağı gözlənilir. Eyni zamanda, uçuşlara nəzarət və monitorinq texnologiyalarının inkişafı “Subaru” korporasiyasına həvalə ediləcək. “Mitsubishi Heavy Industrie”s və “Mitsubishi Electric”, öz növbəsində, döyüş maşınları arasında məlumatların dərhal ötürülməsi üçün sistem yaradacaq.

Bundan əlavə, Müdafiə Nazirliyi İngiltərə və ABŞ müəssisələrini bu fəaliyyətə cəlb etmək imkanlarını nəzərdən keçirir.

“Nikkei”nin verdiyi məlumata görə, tədqiqatın 2024-cü ildə başa çatdırılması planlaşdırılır. Eyni vaxtda prototip sınaqları da keçiriləcək. PUA-ların xidmətə təqdim edilməsi üç mərhələdə reallaşacaq. Başlanğıcda bir döyüş vasitəsi uzaqdan idarə ediləcək. Daha sonra bir qrup pilotsuz təyyarəyə əmr verəcək pilotlu döyüşçünün iştirakı ilə uçuşlar təşkil ediləcək. Son mərhələdə bu döyüşçülərdən bir qrupu müstəqil olaraq uçmaq məcburiyyətində qalacaq.

Zümrüd