Fevralın 7-nə qədər fövqəladə vəziyyət olacaq - Tibb Federasiyası hərəkətə keçir
Bizi izləyin
Aptekonline

Digər

Fevralın 7-nə qədər fövqəladə vəziyyət olacaq - Tibb Federasiyası hərəkətə keçir

Fevralın 7-nə qədər fövqəladə vəziyyət olacaq - Tibb Federasiyası hərəkətə keçir

Yaponiyada 1 gün ərzində koronavirus səbəbilə 100-dən çox ölüm yaşanması Tibb Federasiyasını hərəkətə keçirib.

Publika.az xəbər verir ki, ölkə miqyasında fövqəladə vəziyyət rejiminin tətbiq edilməsi gözlənilir.

Federasiya prezidenti Nakaqava Toşio koronavirusun səhiyyə sistemini təsiri altına aldığını açıqlayıb. Onun sözlərinə görə, bəzi xəstəxanalar COVID-19 xəstəsi olmayanları evə göndərir. Yoluxma sayında artımın qarşısı alınmasa, səhiyyə infrastrukturu çökə bilər.

Qeyd edək ki, Yaponiyada 304 min 752 nəfər virusa yoluxub, 4 min 289 nəfər ölüb. 900 nəfərin müalicəsi reanimasiyada aparılır.

Paytaxt Tokio, şimalındakı Saitama, şərqindəki Çiba, cənubundakı Kanaqava əyalətlərində 8 yanvardan bəri fövqəladə vəziyyət rejimi tətbiq olunur.

Fövqəladə vəziyyət rejiminin 11 əyalətdə 7 fevrala qədər davam etməsi planlaşdırılır.

Zümrüd

Teqlər
Oxumağa davam et
Reklam
Reklam

Gündəm

Aptekonline