Digər

ABŞ-ın strategiyası bəlli oldu - Türkiyə ilə sərhədə ordu yerləşdirir

18 Fevral 2021 17:30

ABŞ Prezidenti Cozef Bayden Administrasiyasının Türkiyə ilə sərhəddə hərbi baza qurmaq üçün hərəkətə keçdiyi bildirilir.

Publika.az xəbər verir ki, bu barədə “Arab News” informasiya portalı iddia dərc edib.

Nəşrin məlumatına görə, İŞİD-lə mübarizə koalisiyası Türkiyə-Suriya sərhədində bazanın inşası üçün hərəkətə keçib.

Yeni baza üçün müəyyənləşdirilən sahə YPG-nin Demokratik Suriya Qüvvələri qolunun nəzarətindəki Hasekinin Ayn Divar (Çavuşköy) hissəsindədir. Bu nöqtə Türkiyə-Suriya sərhədinin ən şərq hissəsində yerləşir.

Qeyd edək ki, “Arab News” ötən həftə Rusiya hərbi polisinin ABŞ-ın İraqdakı bazalarına logistika və hərbi dəstək göndərmək üçün istifadə etdiyi Ayn Divardakı magistral yolun yaxınlığına yerləşdiyini yazmışdı. Xəbərdə Suriya İnsan Haqları Müşahidə Şurasının koalisiyanın 50 zirehli avtomobil və yük maşınından ibarət karvanının ötən həftə bölgəyə çatdığını müəyyənləşdirdiyi bildirilmişdi.

Zümrüd